Цензурата на државната агенција МИА на веста дека Европскиот суд за човекови права во Стразбур пресудил отштета на лустрираниот претседател на Уставниот суд, Трендафил Ивановски, ја прели чашата на пропагандата на Никола Груевски, реагираат од опозицискиот СДСМ.
„Пропагандата на Груевски почна самата да се разоткрива. Државната информативна агенција МИА, која ја плаќаат граѓаните, се обидела да сокрие информација од истите тие граѓани. Од државната агенција МИА се должни да им кажат на граѓаните под чиј налог требало да ја сокријат веста дека според Стразбур не се задоволени условите за правично судење на лустрираниот претседател на Уставниот суд, Ивановски. Овој случај е уште еден доказ зошто Груевски не сака регулација на медиумите – бидејќи нема да може да ги контролира информациите што го потврдуваат неговото криминално, валкано, расипничко владеење“, стои во соопштението на СДСМ.
