Преговорите за формирање влада продолжуваат и денеска во седиштето на СДСМ, соопштија за „Мета“ од партијата.
Разговорите кои почнуваат во 15.30 часот ќе се водат со претставници на Движењето Беса. Засега не се знае дали средбата ќе биде на највисоко ниво, односно дали разговорите ќе ги водат Зоран Заев и Биљал Касами, или пак ќе бидат на ниво на работни групи.
Како што дознаваме, ова се првични средби на кои не се расправа за министерски ресори, туку станува збор за приближување и усогласување на партиските ставови за програмата на новата владина коалиција.