„Гувернерот Богов дозволи нетранспарентна продажба на „Алфа банка“ – АД Скопје за 1,2 милиони евра. Секторот за супервизија, банкарска регулатива и за финансиска стабилност при Народна банка и гувернерот Богов треба да одговорат дали свесно дозволија раководството на банката да го ’стопи’ основниот капитал на ова ниско ниво?“, се вели во соопштението на СДСМ до јавноста.
Од партијата прашуваат дали намерно и свесно е изоставена банкарската контрола врз „Алфа банка“?
– Во соопштението на НБРМ, гувернерот Богов признава дека зад оваа трансакција стои физичко лице кое формирало фонд токму за оваа цел, односно да ja купи банката по нереална цена, којашто е толку мала и за да може да се купи штедилница. Богов треба да каже дали зад оваа нетранспарентна трансакција стои лице кое поседува и друг правен субјект што работи како консултант во Владата на поранешниот премиер Груевски во областа на финансиските услуги? Дали цената на транскацијата е толку ниска затоа што станува збор за човек кому му се познати шемите на функционирање на офшор-зоните од типот на Панама? – се додава во соопштението на СДСМ.
