Во Охрид вечерва, третпат, граѓаните ќе го искажат својот револт, во организација на граѓанската иницијатива „Протестирам“.
Во пресрет на вечерашниот протест, од општинската организација на СДСМ излегоа со обвинување дека градоначалникот на Охрид, Никола Бакрачески, и директорите поставени од ВМРО-ДПМНЕ во јавните и во државните институции, како болници, детска градинка, училишта и слично, вршат силен притисок врз вработените да не излегуваат на протестите.
„Многу од вработените се прераспределни и им се закануваат со отказно решение. Демократска Македонија најостро го осудува ваквиот однос кон граѓаните и бара веднаш да бидат повлечени сите одлуки со кои се прераспределени и се деградирани вработените. Секое попречување на правата на вработените да ја изразат слободно својата волја и определба се сметаат за притисок на работно место, кој според законот претставува кривично дело“, се вели во писменото соопштение на СДСМ.
