На потенцијалниот ризик од патувања во Европа, ги предупредија САД своите граѓани, наведувајќи дека по Брисел, терористичките групи планираат напади и во други градови на континентот.
„Терористичките групи продолжуваат да планираат непосредни напади во Европа, а цел им се спортски настани, туристички места, ресторани и јавниот транспорт“, се наведува во предупредувањето изададено од Стејт департментот.
За тие американски граѓани што сепак ќе патуваат во Европа, Стејт департментот препорачува претпазливост на јавните места и при користењето јавен превоз, како и да ги избегнуваат местата на кои има метеж.