Американскиот Стејт департмент синоќа ги поздрави успешните преговарачки напори на еврокомесарот за проширување ,Јоханес Хан, како и одлуката на македонската влада и на опозицијата за реафирмирање на заложбата од 2 јуни за европските принципи, меѓуетничките и добрососедските односи.
Заменик-државниот секретар Антони Блинкен, за време на вчерашната средба во Вашингтон со Хан, рекол дека нема да биде лесен патот напред за Македонија кон евроатлантските интеграции, но оти САД и ЕУ активно ќе ја поддржуваат Македонија и ќе помагаат во справувањето со предизвиците, соопшти портпаролката на Стејт департментот, Мари Харф, на денешната редовна средба со новинарите.