Вашингтон одобри 24 милиони долари дополнителна помош за бегалците во Европа, изјави државниот секретар на САД, Џон Кери, во Атина.
Помошта ќе биде дадена преку УНХЦР, а ќе се употреби за прифаќање, храна и за сместување на бегалците, како и за помош на властите во проверување и во процесуирање на бегалците при доаѓање во Европа.
Кери во Атина го посети центарот за помош на жените мигранти и бегалци. Тој оцени дека мигрантската криза не е само грчка, европска или блискоисточна криза, туку светска и сите ја делат одговорноста.
Кери, пред Грција, ги посети Косово и Србија.
