Русија соопшти дека заедно со сириските воздухопловни сили ги прекинала нападите на Алепо.
Министерот за одбрана, Сергеј Шојгу, изјави дека воздушните напади се прекинати за бунтовниците и цивилите да можат да го напуштат опколениот град.
Портпаролот на Кремљ, Димитриј Песков, подоцна изјави дека станува збор за манифестација на добра волја на руската војска.
Извлекувањето на бунтовниците и на цивилите би требало да почне на 20 октомври.
ОН ја поздравија одлуката за прекин на воздушните напади, но посочија дека прекинот на бомбардирањето не е доволно долг за да се испорача хуманитарна помош или да се објави евакуација на цивили.