Работничкиот синдикат на шпанската компанија за управување со аеродромите „Аена“, денеска најави дека ќе штрајкува 25 дена поради немање напредок во преговорите за поголема плата за вработените и подобри работни услови.
Доколку наредните недели не се постигне напредок, штрајковите ќе почнат од средината на септември и ќе бидат организирани за викенди и во деновите кога се државни празници до крајот на годината, соопштил синдикатот.
Од „Аена“ велат дека се надеваат дека ќе биде постигнат договор со синдикатот.
Патниците веќе се соочуваат со доцнење на летовите и долги редови на аеродромот „Ел Прат“ во Барселона поради штрајк на обезбедувањето.
