Руската Северна флота и падобранските единици денеска почнаа воени вежби во кои учествуваат 38.000 војници, повеќе од 55 воени бродови и подморници и 110 авиони и хеликоптери, соопшти рускиот министер за одбрана, Сергеј Шојгу.
– Новиот предизвик и закана за воената безбедност бара понатамошно зајакнување на воените капацитети на вооружените сили – изјави Шојгу.
Министерот истакна дека рускиот претседател Владимир Путин наредил припадниците на Северната флота и на падобранските единици да бидат во целосна готовност во рамки на ненадејните маневри.
– Петдневните вежби се одржуваат на копно, море и во воздух – рече генерал Шојгу, додавајќи дека главна задача е да се процени способноста на вооружените сили на Северната флота и исполнувањето на задачата на обезбедување на воената безбедност на Руската Федерација и на регионот Арктик.
