Четири кандила украл засега непознат сторител од црквата „Св. Димитрија“ во струшкото село Октиси, соопшти СВР од Охрид.
Кражбата била извршена во периодот од декември минатата до март оваа година, по претходно насилно кршење на цилиндарот од главната влезна врата на црквата од северната страна. Сторителот употребил тврд предмет, со кој насилно ја оштетил металната заштитна решетка од влезната црковна врата.
Откако влегол во внатрешноста на црквата, тој извршил пребарување низ црковните простории, по што противправно ги одзел четирите кандила.
На местото на настанот е извршен увид, а полициската станица од Струга работи на расветлување на случајот и на пронаоѓање на сторителот на овој вандалски чин.
