Протестот што се одржуваше во непосредна близина на седиштето на СДСМ официјално заврши. Симпатизерите и приврзаниците на владејачката партија ВМРО-ДПМНЕ, излегоа да го изразат својот револт од одлуката на претседателот Ѓорге Иванов да аболира и да амнестира политичари со која се опфатени и Зоран Верушевски и лидерот на СДСМ, Зоран Заев.
На улицата која води кон седиштето на партијата, сè уште е присутна полицијата, но демонстрантите си заминуваат.
Протестот се одвиваше мирно, со звуци на аларм за тревога, а во одредени моменти демонстрантите извикуваа „Заев пе**р“, „Комунистички пи**и“, „Заев апаш“ и „Лопови“.
Во еден момент неколку од демонстраните се обидоа да ја испровоцираат полицијата и да се приближат до седиштето на СДСМ, но полицискиот кордон успеа да ги спречи.
Во обидот да се спречи пробивањето на кордонот, се вклучија и дел од демонстрантите кои застанаа во одбрана на полицијата велејќи дека тие не се виновни и само си ја вршат работата.