Цената на нафтата за време на денешното тргување во Азија опадна, откако производството на тој енергент во САД го надмина максимумот во последните 30 години.
Ова поттикна нова загриженост околу високото ниво на глобални резерви на нафта, непосредно пред состанокот на Организацијата на земјите извозници на нафта (ОПЕК).
Американското министерство за енергетика вчера соопшти дека производството на нафта во САД во неделата, заклучно со 20 мај, порасна за 20.000 барели дневно на 9,59 милиони барели, што е највисоко ниво од јануари во 1983 година.
ОПЕК ќе го задржи постоечкото ниво на производството на нафтата за да го сочува пазарниот удел. Оваа организација, која произведува околу една третина од светската нафта, на претходниот состанок во ноември го задржа нивото на производство на нафта од 30 милиони барели дневно.