fbpx

„Бритиш петролеум“ ги прекинува пратките низ Црвеното море по напади на бродови

Хутите изминатите недели потонуваат бродови во Црвеното море кои носат гориво до Израел

-

Мултинационалниот гигант за нафта и гас „Бритиш петролеум“ (БП) установи прекин на сите пратки на нафта кои минуваат низ Црвеното море, известува Гардијан. Ваквата одлука е реакција на континуираните напади врз бродови кои носеле гориво до Израел, вклучувајќи и норвешки брод.

Нападите се извршени од страна на Хутите, исламистичките екстремисти од Јемен. Тие ги извршуваат нападите во знак на поддршка за Палестина, таргетирајќи бродови кои доставувале гориво до Израел. Досега се нападнати американски воени бродови, како и комерцијални бродови, вклучувајќи норвешки брод кој носел нафта до Израел.

Најавата на БП ја следи одлуката на пет од најголемите шпедитерски компании да се забрани пловењето на своите бродови во Црвеното море. Наместо да пловат преку Суецкиот канал, бродовите на овие компании кружат околу Африка, што ќе ги зголеми веќе големите одложувања и трошоци.

Според економскиот аналитичар Алберт Јан Сварт, петте компании заедно со шпедитерската компанија Евергрин, реализирале половина од сите пратки ширум светот.

Се очекува Соединетите Американски Држави, во соработка со околните арапски земји, да формираат нова единица за поморска заштита која ќе се справува со нападите од Хутите.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

(Видео) Пожарникарите и цивилите заробени на Огражден се евакуираат со хеликоптер

Градоначалникот на Општина Ново Село, Ѓорѓе Божинов, пожарникари од струмичката противпожарна бригада и неколку граѓани попладнево се нашле опколени од огнените јазици на планината Огражден каде што во моментов...