Претседателот на ФИФА, Сеп Блатер, поднесе оставка од функцијата.
Тој веста ја соопшти за време на прес-конференција во Цирих, Швајцарија. Блатер пред четири дена на гласањето на конгресот на ФИФА беше реизбран на позицијата и го освои петтиот мандант по ред.
Два дена пред изборите за нов претседател на фудбалската асоцијација, седум високи функционери на ФИФА беа уапсени во Цирих под сомневање за примање мито.
Блатер порача и дека изборите за нов претседател на ФИФА ќе се одржат што поскоро.
