Премиерот Димитар Ковачевски ја осуди одлуката на Руската Федерација да ги признае регионите Донецк и Луганск во Украина како „Народни Републики“.
„Ја осудувам одлуката на Русија за признавање на Донецк и Луганск како самонаречени „Народни Републики“. Ваквиот чин е директен напад врз територијалниот суверенитет и интегритет на Украина и кршење на договорите од Минск и одлуките на Советот на ООН од 2015 година. Заедно со НАТО сојузниците повикуваме на решавање на конфликтот по дипломатски пат“, порача Ковачевски.
