Во голем трговски центар во Берлин, специјализиран за виетнамска стока, денеска изби пожар. Засега не е позната причината за пожарот.
Пожарникарите ги предупредија граѓаните да ги држат вратите и прозорците затворени.
Пожарот избил во утринските часови во трговскиот центар „Донг ксиан“ во источниот дел на Берлин.
Се претпоставува дека во моментот на избивање на пожарот немало никој во центарот, кој се протега на површина од 7.000 квадратни метри.
Во гаснењето на пожарот учествуваат 150 противпожарни камиони и други возила.
