Денеска, во градот Охрид, беше одржан четвртиот Саем за вработување, дел од караванот саемски претставувања наменети за граѓаните кои активно бараат работно место. Вториот по големина саем, по оној оддржан во Скопје во СЦ „Борис Трајковски“, беше домаќин на повеќе од 70 компании од регионот, но и од целата земја.
– Денеска сме во град Охрид и морам да признаам дека одзивот на компаниите е навистина одличен. Караванот саеми за вработување во организација на Агенција за вработување на Република Македонија има цел да ги доближи понудата и побарувачката на труд, со што се влијае како на информираноста на граѓаните за можностите за кариера, така и на увидот што компаниите го прават на пазарот на труд – изјави Влатко Поповски, директор на Агенцијата за вработување на Република Македонија.
Агенцијата за вработување на Република Македонија продолжува со организација на саемите за вработување, а следната недела ваков саем ќе се одржи во Струмица.
