Потрагата на полицијата и на екипите на Црвениот крст заврши успешно, а жената што ноќеска беше пријавена за исчезната е пронајдена жива.
Таа била забележана од полициските службеници од Езерската полиција како плива во водите на Охридско Езеро, во близина на плажата Парк.
По неа ноќва и утрово трагаа спасувачки тимови од Црвениот крст од Охрид и припадници на Езерската полиција.
На повик на СВР Охрид, тие почнале со акцијата ноќеска, веднаш по пријавата, при што го пребарале просторот од месноста Намазија до градското пристаниште, но не нашле ништо.
Жената за исчезната во СВР Охрид била пријавена ноќеска, околу 1 часот, по што веднаш биле преземени мерки за нејзино пронаоѓање.