Поштар, вработен во гевгелиската подружница на „Македонски пошти“, е осомничен дека од две лица присвоил пари, кои тие ги уплатиле на своите штедни книшки.
Како што информираат од полицијата, против поштарот Б.Б. (44) била поднесена пријава за седум кривични дела фалсификување или уништување деловни книги, за четири кривични дела послужување во службата, две проневера во службата и за едно дело затајување.
Делата за кои се товари, поштарот ги извршил во периодот од 2013 година до јануари 2015 година.
Според полицијата, тој на двапати присвоил околу 90.000 денари што требало да ги уплати на штедните книшки на двајца клиенти, но наместо тоа, ги присвоил за себе, а во книшките внел невистинити податоци.
Од полицијата информираат дека, исто така, осомничениот повеќепати присвоил пари што граѓани ги уплатувале за смеки, фалсификувајќи ги потписите во уплатниците.
