Најмалку 12 маоистички бунтовници загинаа денеска во судирите со индиската полиција на истокот на Индија.
Полицијата спровела акција недалеку од упориштето на бунтовниците во државата Џарканд, околу 300 километри јужно од Патне, главен град на соседната индиска држава Бихар.
Меѓу полицајците нема жртви. Маоистичките бунтовници се борат повеќе од пет децении барајќи поголеми права и вработување на сиромашните.
