Во западниот дел на Албанија, околу 500 семејства се евакуирани откако реката Шкумбини се излеа од коритото поради поројните дождови. Поплавени се илјадници хектари земјиште, куќи и патишта.
Полицијата и војниците беа испратени во Лушне, на 80 километри југозападно од Тирана.
Стотици други семејства беа евакуирани во други региони во текот на изминатите два дена.
Повеќе области, вклучувајќи го и главниот град Тирана, се погодени од поплавите, а лизгањето на земјиштето блокира некои од главните патишта.
Засега нема информации за евентуални жртви.
