fbpx

Полицискиот час нема да се укине, по шопинг и во кладилница со маска и во ограничен број

-

Комисијата за заразни болести ќе испрати предлог до Владата за олабавување на мерките и да се овозможи ставање во функција најпрво на центрите за едукација, испитните центри, спортските обложувалници и затворените трговски центри, информираше на прес-конференција министерот за здравство Венко Филипче. Овие дејности би функционирале во часовите во кои е дозволено движење на населението. Засега не се планираат промени во полицискиот час.

– Сето ова е согласно критериумите, според кои мора сите субјекти да се придржуваат до носење заштита, како и одреден број присутни. После следењето на епидемиолошката состојба, следува отворањето на угостителските објекти. Меѓу сите овие препораки, детално ќе се следи епидемиолошката состојба. Ова е планот кој сега го поднесуваме до Владата. Постепено го враќаме животот во нормала, работните процеси во однос на стопанството, со одредени протоколи, задолжителната дистанца, носењето маска – рече Филипче.

Состојбата ќе се следи, па така за наредната недела е предвидено да се отворат кафулињата и рестораните. По ова, уште една недела подоцна, на 25 мај би следувало отварање на објекти со игри на среќа, автомати, клубови, теретани, базени и хотели.

– Комисијата за заразни болести согласно досегашните трендови на ширење на вирусот на свестко ниво и согласно многу студии кои се објавија и сознанија, подготви научно издржани претпоставки за тоа, како може да се развива состојбата со вирусот. Се очекува стабилизација на ширење на вирусот, но сме свесни дека целосно исчезнување тешко е да се очекува. Согласно сегашната состојба, во следните два месеци очекуваме намалување на ширење на вирусот. Нешто што очекуваме да придонесе се и високите температури, кои ќе го ослабнат вирусот и ќе го намалат преносот – кажа министерот.

Тој очекува компаниите и организациите да се придржуваат до протоколите, што ќе биде предуслов за понатамошно целосно отварање и враќање на целиот работен процес во државата. Истакна дека ни претстои мирен период.

– Затворени се границите. Сите овие мерки кои досега беа на сила ги дадоа овие резултати и според сознанијата и предвидувањата, сметаме дека пред нас е мирен период во кој здравствениот систем може да се изменаџира – додаде тој.

Полицискиот час засега нема најава дека ќе се укине, а денеска не беше соопштен ниту предлог за постепено отворање на границите за влез и излез на домашни и странски лица во земјава.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Хеликоптер во кој патувал иранскиот претседател претрпи „тешко слетување“

Хеликоптер со иранскиот претседател Ебрахим Раиши претрпел „тешко слетување“, пишува Би-би-си. Министерот за внатрешни работи кажува дека спасувачите сé уште се обидуваат да стигнат до местото на несреќата поради тешките...