Петнаесет лица загинаа откако хеликоптер со 25 работници утринава се урна на истокот на Сибир.
Руските медиуми јавуваат дека хеликоптерот „ми-8“ полетал од Игарак, во регионот Краснојарск, а се урнал на два километри од брегот на реката Јенисеј.
Како што е наведено, во хеликоптерот се наоѓале работници на нафтеното поле Ванкор, до кое може да се стигне само со хеликоптер или, зиме, преку замрзнатата река.
Истражителите и понатаму се обидуваат да ја утврдат причината за падот на хеликоптерот кој е во сопственост на локална авиокомпанија.