Хрватско списание „Кроациан травелер“ (Croation Traveller), на дури пет страници објавува ексклузивна репортажа за Охрид, со наслов „Безвременска љубов, езеро и луѓе“.
Покрај репортажата, во истиот број е објавено и интервју на градоначалникот на Охрид, Никола Бакрачески.
Од локалната самоуправа посочуваат дека ваквите промоции на Охрид во странските медиуми се реализираат според претходно подготвена програма за развој и за унапредување на туризмот, која ја подготви секторот за туризам и локален економски развој.
Целта е истакнување на целокупната туристичка понуда што ја има градот, но и Охрид како дел од регионалната туристичка понуда.
Со ваков вид промоција досега градот беше презентиран во повеќе балкански и во неколку европски земји.
