Од 23 часот вчера до 5 часот денеска полицијата фатила петмина што не ја почитувале забраната за движење, односно полицискиот час, соопшти МВР.
Во текот на изминатото деноноќие, односно од вчера до денеска наутро, на територијата на целата земја МВР регистрирало 522 прекршоци во однос на мерката за задолжително носење заштитна маска.
МВР апелира до граѓаните да ги почитуваат мерките и протоколите донесени од Владата, за сите заеднички да придонесуваме за спречување на ширењето на ковид-19.
