fbpx

Пауновски: Пазарен инспектор од Куманово е позитивен на Ковид-19

-

На денешната прес-конференција, директорот на Државниот пазарен инспекторат, Стојко Пауновски најави дека ќе биде затворено целото пазарно одделение во Куманово, поради како што информираше тој, еден пазарен инспектор од Куманово е позитивен на Ковид-19.

Во периодот од 28 мај кога се отворија угостителските објекти, заклучно со вчерашниот ден, поднесени се 28 кривични и 38 прекршочни пријави, а затекнати се и 47 нерегистрирани даночни обврзници од областа на угостителството, информираше Пауновски.

Во врска со вчерашниот настан, во угостителски објект во Скопје, каде што беше затекнат лидерот на опозициската партија ВМРО-ДПМНЕ Христијан Мицкоски, директорот Пауновски потенцираше дека инспекторите немале претходна информација дека лидерот е во затворениот дел од угостителскиот објект, туку станувало збор за рутинска контрола.

– Инспекторите имаат наредба во сите тераси на угостителските објекти да проверат дали се спроведуваат протоколите. На лице место кога биле, имаат обврска да извршат контрола и во затворениот простор. Кога побарале да влезат биле спречени да извршат контрола. Тогаш им станало сомнително дека имале луѓе и инсистирале да влезат – појасни Пауновски.

Тој изјави дека против правното лице веќе е преземена прекршочна санкција за оневозможување на службени лица во извршување на службена должност, а денеска е поднесена и кривична пријава.

Пауновски потенцираше и упати апел до сите, меѓу кои и политичарите, претседателите на партиите и предводниците на верските заедници да бидат пример за граѓаните како да се однесуваат, а воедно да им ја препуштат работата на инспекторите.

– Оставете ги инспекторите да си ја вршат својата работа, престанете да ги вплеткувате во политички игри. Единствено нешто за кое што треба да реагирате е да пријавите доколку инспекторите постапуваат онаму каде што не треба да постапуваат или постапуваат неправилно – додаде тој.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Малолетници во притвор за планирање терористички напад во Германија

Четворица малолетници на возраст од 15 и 16 години завршија во истражен затвор поради сомнение дека планирале терористички напад. Тие, наводно, го подготвиле нападот „во согласност со целите и...