Министерството за здравство информира дека денеска Институтот за јавно здравје регистрира 111 оздравени пациенти и тоа во: Скопје 13, Куманово 74, Штип 1, Прилеп 18, Битола 1, Охрид 1, Крива Паланка 1, Пробиштип 1 и Демир Хисар 1 пациент.
На Клиниката за инфективни болести и фебрилни состојби почина пациент од Скопје на возраст од 62 години, а во ГОБ „8 Септември“ почина пациентка од Гостивар на 59 години.
Во денешниот извештај на Институтот се евидентирани и две починати лица од околината на Куманово, на возраст од 72 и 79 години, пациентка која се лекувала во домашни услови и пациентка која се лекувала на инфективното одделение во болницата во Куманово.
Во изминатите 24 часа направени се 386 тестирања, а потврдени се 23 нови случаи на Ковид-19 и тоа во: Скопје 5, Куманово 5, Прилеп 3, Тетово 6, Велес 2 и Неготино 2 нови случаи. Двете лица заведени во ПЕ Неготино, се жители на Демир Капија.
„Со ова вкупната бројка на дијагностицирани изнесува 1465, бројката на оздравени пациенти е 738, на починати е 77, а во моментов бројот на активни случаи во земјата изнесува 650“, соопшти Министерството за здравство.
Вкупно се направени 386 теста, на Клиниката за инфективни болести и фебрилни состојби се примени 2 нови пациенти, а вкупниот број на хоспитализирани е 49. На кислородна поддршка се 28, а на механичка вентилација се 2 пациенти.
Во ГОБ „8 Септември“ се примени 5 нови, а вкупно има хоспитализирани 24 пациенти. На респираторна машина се 4, а уште 3 се со потешка клиничка слика. Во болницата во Битола се лекуваат 4 лица, а на домашно лекување се следат 3. Во Штип се хоспитализирани 2 пациента, а уште 5 се следат на домашно лекување. На инфективните одделенија во Прилеп, Велес, Куманово, Охрид, Гостивар и Тетово се хоспитализирани вкупно 46 позитивни и суспектни на Ковид-19.