По повод 8 март, Светскиот ден на жената, дамите и годинава ќе можат да возат ревијално женско рели, соопштија од Автомобилистичката федерација на Северна Македонија (АФСМ) и клубовите-членки на АФСМ.
Заинтересираните можат да се пријават на следниот ЛИНК или на Фејсбук страната на Автомобилистичка федерација на Македонија.
Релито ќе се одржи во недела на 6 март, со почеток во 9 часот, на паркингот на Спортскиот центар „Борис Трајковски“. Учесничките ќе возат во две етапи: Возење по зададена рута од 12 километри низ улиците на Скопје и задолжително поминување низ контролни точки, како и вешто возење т.н гимкана.
Учеството е бесплатно, а единствено потребни се исправно возило, возачка дозвола, сообраќајна исправа и жена-совозач, а за сите учеснички предвидени се награди од организаторот и покровителите на настанот.
Релито ќе се одвива со почитување на сообраќајните ограничувања и препораките за заштита од ковид-19.