„Јунајтед ерлајнс“ изврши инспекција на „Боинг“ авиони од линијата „737 Макс 9“, откако изминатата недела се откачила врата на авион од истата линија при полетување. При инспекцијата, биле откреини голем број завртки на кои им требало затегнување и друг разлабавен хардвер, известува Би-би-си.
Инцидентот кој ја предизвика инспекцијата се случи на 5 јануари кога при полетувањето на „Боинг 737 Макс 9“ од „Алјаска ерлајнс“ се откачила вратата за итни случаи при полетувањето. За среќа, никој не седел во двете седишта до вратата. Дополнително, авионот не постигнал голема височина кога се откачила вратата.
Доколку вратата се откачила подоцна, разликата во притисок меѓу надворешноста и внатрешноста на авионот можела да доведе до тоа патниците да бидат извлечени надвор. Сепак, доволна била разликата на летот на „Алјаска ерлајнс“ за да повлече неколку телефони, слушалки, како и дел од маицата на дете. За среќа, нема сериозно повредени.
Најголем дел од оваа серија авиони се користени од „Јунајтед ерлајнс“ и „Алјаска ерлајнс“, кои веќе откажаа стотици летови.
Пилотите на авионот на „Алјаска ерлајнс“ велат дека неколкупати претходно забележале дека се вклучиле светлата за предупредување за низок притисок. Поради тоа, избегнувале да летаат над море.
Дополнително, претходно се имаат случено неколку несреќи со постари верзии на серијата „737 Макс“ на „Боинг“. Во 2018 и 2019 година се случија две несреќи со авионите во кои умреле вкупно 346 луѓе. Во двата случаи имало грешки во софтверските одлуки, но и се забележале пилотите како се обидуваат да се „борат“ против софтверот.
.jpg){kind=link}