Германското обвинителство ја затвори истрагата за американското прислушување на мобилниот телефон на канцеларката Ангела Меркел.
Обвинението се заснова на документите што ги обелодени Едвард Сноуден, а во кои се наведува дека припадниците на Агенцијата за национална безбедност (НСА) го прислушувале телефонот на Меркел.
Главниот обвинител Харалд Ранге рече дека истрагата не успеала да открие докази за прислушувањето за да ја оправда правната постапка.
Ранге уште во декември 2014 година рече дека истрагата не успеала да открие доказ за прислушувањето и оти документот што го објавија медиумите „не е од базата на податоци на НСА“.