Македонскиот регионален центар за граничниот реон Исток, во соработка со бугарската гранична полиција, успеа да го фати кочанецот Ѓ.И. (41), осуден по акцијата „Детонатор“, а побегнат од затворот во Струмица.
Ѓ.И. по бегството од затворот, имал намера илегално да ја премине државната граница, за по илегален пат да ја напушти Македонија и да влезе во Бугарија. За таа цел, од страна на Регионалниот центар за граничниот реон Исток на повеќе места се поставени сигнални фотокамери за надзор на државната грaница.
По добиен сигнал од камера „скаут“, поставена во близина на македонско-бугарската граница, добиена е слика на две лица кои се движат кон државната граница, при што по претходно подготвениот план за постапување, на местото на настанот излезени се групите за интервенција од Регионалниот центар за граничниот реон Исток и Граничната полиција на Бугарија, при што едното лице е фатено на местото на настанот на бугарска територија, а другото се дало во бегство.