fbpx

Османи: Русија со видливи чекори го дестабилизира Западниот Балкан

Руската Федерација е таа која преку латентни и видливи чекори, преку прокси играчи, континуирано го дестабилизирана регионот, изјави Османи

-

Актуелниот претседавач на ОБСЕ и министер за надворешни работи на С.Македонија Бујар Османи денеска изјави дека Руската Федерација претставува фактор на дестабилизација во регионот на Западен Балкан. За разлика од поддршката на САД и ЕУ за С.Македонија и целиот регион, Русија не ја игра идентичната улога во Западниот Балкан.

Руската Федерација е таа која преку латентни и видливи чекори, преку прокси играчи, континуирано го дестабилизирана регионот, изјави Османи. Тој даде и неколку примери, па така рече дека Русија се обиде да ја дестабилизира Црна Гора преку обид за државен удар, се обиде да ја дестабилизира Македонија при референдумот за членство во НАТО, а се обидува да направи проблеми и во Босна и Херцеговина и Косово преку Србија.

„Руската Федерација е причина за проблемите и нестабилноста на овој регион“, рече Османи, а единствено решение за стабилноста на целиот регион е членството на земјите во ЕУ и НАТО.

Тој ја повика Руската Федерација да ја прекине воената агресија врз Украина и да ги повлече своите трупи и воена опрема од украинската територија.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Гордана Силјановска-Давкова официјално е претседателски кандидат на ВМРО-ДПМНЕ

Гордана Силјановска-Давкова и официјално ќе влезе во трката за претседател на државата, како кандидат на ВМРО-ДПМНЕ. Таа денеска со мнозинство гласови беше избрана на Kонвенцијата која се одржа во...