fbpx

Од денеска Германија го олеснува влезот за работа во државата

Работниците од земјите кои не се членки на ЕУ од денеска, 1 јуни ќе можат да аплицираат за „карта за шанси“ која им овозможува да дојдат во Германија и да бараат работа до една година. Ова се однесува на жителите на С. Македонија, Србија, Босна и Херцеговина, Црна Гора, Албанија и од Косово

-

Работниците од земјите кои не се членки на ЕУ од денеска, 1 јуни ќе можат да аплицираат за „карта за шанси“ која им овозможува да дојдат во Германија и да бараат работа до една година. Ова се однесува на жителите на С. Македонија, Србија, Босна и Херцеговина, Црна Гора, Албанија и од Косово.

Правилото се однесува на оние кои имаат најмалку две години стручна обука или факултетска диплома која е признаена во државата каде таа квалификација е стекната. За македонските граѓани тоа значи дека може да одат во Германија доколку имаат диплома и квалификација која е признаена и во Македонија, но и во Германија.

Дополнителен услов е определен степен на знаење на германски или англиски јазик. Кога „карта-шанса“ ќе му се одобри на некој работник тогаш тој има право да живее во Германија и во рок од една година да бара и да најде работа. Доколку не го исполни условот и не најде работа тогаш му завршува престојот и важењето на „карта-шансата.

Друг елемент од правилата што ќе стапат во сила од денеска во Германија е проширувањето на прописите за државјаните на земјите од Западен Балкан, соопшти германското МВР.

Според ова правило, работниците од Србија, Босна и Херцеговина, Црна Гора, Република Северна Македонија, Албанија и Косово можат многу полесно да одат во Германија на неопределено време, и тоа до 50.000 годишно, што е двојно повеќе од претходно, се наведува на сајтот на Министерството.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Жена од кочанско Оризари пронајдена удавена во канал за наводнување

Осумдесет и деветгодишна жена од селото Оризари, Кочанско, утрово била пронајдена удавена во канал за наводнување во близина на селото, информираше Министерството за внатрешни работи (МВР). Удавената жена ја пронашол...