Средба на врвот на Организацијата на американските држави денеска почнува во Панама. Првпат од 1962 година ќе има претставник и од Куба.
На Самитот ќе учествуваат државни и владини лидери од 35 земји, а најверојатно клучен момент на дневниот ред ќе биде враќањето на Хавана во заедничките американски структури.
На последниот форум на Организацијата во Колумбија во 2012 година, повеќето земји-членки истакнаа дека членството на Куба треба да биде обновено.
Поради присуството на кубанскиот претседател Раул Кастро во Панама, во обид да се подобрат американско-кубанските односи, се претпоставува дека е можна и средба меѓу него и американскиот претседател Барак Обама. Шефовите на овие две земји немаат остварено средба уште од времето на Карипската криза.
На Самитот во Панама ќе учествува и венецуелскиот претседател Николас Мадуро, кој е жесток противник на Вашингтон, кој воведе санкции против Каракас поради лошиот однос кон венецуелската опозиција.
