Повеќе од 6.000 луѓе загинаа во Украина од почетокот на судирите што почнаа минатата година, соопшти денеска високиот комесар на ОН за човекови права, Зеид Раад ал Хусеин.
Според податоците на Комисијата на ОН со седиште во Женева, повеќе од стотина цивили и припадници на војската загинаа во последната недела во судирите во Дебаљцево и во близина на аеродромот на Донецк.
Ал Хусеин наведе дека истражителите на ОН утврдиле дека „немилосрдно се уништуваат цивилите и инфраструктурата“ во областите на истокот на Украина, каде проруските бунтовници се борат против украинската војска.
Официјална Москва ја негира вмешаноста на своите војници во судирот, а ОН наведува дека постои извештај за тоа дека од Русија се испраќа тешко вооружување за сепаратистите.
