Сирискиот опозициски Висок преговарачки комитет соопшти дека 97 бунтовнички групи ќе го почитуваат договорот за прекин на огнот кој треба да стапи на сила на полноќ и дека за следење на примирјето е оформен посебен воен комитет.
Договор за прекин на огнот постигнаа САД и Русија, а прифатија да го почитуваат сириските власти, опозициските борбени групи, како и Турција.
Прекинот на огнот е привремен и не се однесува на екстремистите, вклучувајќи ја и Исламска држава, како и сирискиот разгранок на Ал каеда.
Рускиот претседател Владимир Путин денеска изјави дека ќе продолжи со немилосрдната борба против Исламска држава.