Во врска со настаните во Куманово, што се случија при спроведување на полициската акција, Министерството за внатрешни работи до Основното јавно обвинителство за гонење организиран криминал и корупција поднело кривична пријава против определен број лица, за терористичко загрозување на уставниот поредок и на безбедноста, информираат од Обвинителство.
„Основното јавно обвинителство за гонење организиран криминал и корупција, по примената кривична пријава ги презема сите потребни истражни дејства во согласност со закон. Основното јавно обвинителство за гонење организиран криминал и корупција дополнително ќе ја извести јавноста за преземените дејства, кои во интерес на истрагата, во моментов не може да ги сподели“, се вели во соопштението од Јавното обвинителство.