Времето денеска ќе биде облачно со повремени врнежи од дожд и со ретка појава од грмежи. Врнежите ќе бидат пообилни во западните и во северозападните делови на земјава, каде, според УХМР, се очекува да наврнат повеќе од 25 литри воден талог на квадратен метар.
Во текот на денот ќе дува умерен, повремено засилен ветер од јужен правец, кој ќе биде позастапен во западните делови на земјата.
Утринската температура ќе се движи од 7 до 13 Целзиусови степени, а дневната од 15 до 20 степени.
Во Скопје и во околината се очекува слично време, со температура до 18 Целзиусови степени.