Нов земјотрес со интензитет од 6,7 степени според Рихтеровата скала го погоди непалскиот главен град Катманду. Жителите во паника излегле на отворено.
Според податоците на Американскиот геофизички институт, епицентарот на земјотресот бил на 17 километри јужно од градот Кодари, на длабочина од десет километри.
Непалските власти соопштија дека најмалку 1.970 лица загинаа во вчерашниот земјотресот со интензитет од 7,9 степени според Рихтеровата скала и оти бројот на жртвите и натаму се зголемува. Според досегашните информации, најмалку 5.000 лица се повредени во земјотресот.
Локалните медиуми јавуваат дека 17 тела се извадени од под лавината што го зафати базниот планинарски камп на Монт Еверест, која следеше по разорниот земјотрес. Меѓу загинатите е и директор на истражувачкиот оддел на „Гугл“, Дан Фрединберг, кој заедно со уште тројца вработени од компанијата планирал да се искачи на Монт Еверест.
Everest avalanche: Rescue plane reaches Kathmandu with injured mountaineers | Read: http://t.co/dWKchrEzi3 pic.twitter.com/UIspOnQWby
— The Indian Express (@IndianExpress) April 26, 2015
Претседателот на Непалската алпинистичка асоцијација, Анг Шеринг Шерпа, соопшти дека 61 лице се повредени во лавината.
Обединетите нации најавија масовна операција за укажување помош за Непал.