Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе одлука со која се врши намалување на малопродажните цени на нафтените деривати во просек за 1 отсто во однос на одлуката од 10 ноември.
Од полноќ, ЕУРОСУПЕР БС – 95 ќе чини 80 денари, ЕУРОСУПЕР БС – 98 ќе чини 82 денари, дизел горивото ЕУРОДИЗЕЛ БС ќе чини 77,5 денари за литар, а масло за горење Екстра лесно 1 ќе се продава по цена од 76,5 денари за литар. Килограм мазут ќе чини 43,3 денари.
Малопродажните цени на бензините ЕУРОСУПЕР БС-95 и ЕУРОСУПЕР БС-98 и на Екстра лесното масло за домаќинство на (ЕЛ-1) се намалуваат за 1 денар, а малопродажната цена на ЕУРОДИЗЕЛ (Д-Е V) се намалува за половина денар.
