Поранешниот министер за надворешни работи и сегашен пратеник Антонио Милошоски на својот твитер-профил во еден твит ги нарече Германците „Шваби“, на што друг твитер-корисник му постави прашање дали дали тоа му доликува како поранешен министер:
Порака за Швабите: “летувајте во Грција; вашите пари ионака се веќе таму!”
— Antonio Miloshoski (@AMiloshoski) July 5, 2015
@jovanatozija @AMiloshoski дали како бивш министер за надворешни раб. на РМ мислите дека ви доликува Германците да ги ословувате како Шваби? — Ари (@zlatniotari) July 6, 2015
Инаку, Милошоски е германски стипендист, тој магистерски студии по евроинтеграција посетувал од 2001 до 2002 година при Универзитетот „Фридрих Вилхелм“ во Бон, за што добил стипендија од германското министерство за образование.
Од ноември 2002 година е докторант на политички науки на универзитетот „Герхард Меркатор“ во Дуисбург, Германија, каде работел и како научен соработник до 2006 година, кога бил избран за пратеник во Собранието на Република Македонија.
Милошоски е и член на „Судостеуропа геселшафт“, германско академско друштво кое се занимава со политичко-економските случувања во Југоисточна Европа.
Иако потеклото на изразот е од германската покраина Швабија, на бившојугословенските простори, особено во и по Втората светска војна, тој се користи само во дерогативна, понижувачка форма, поврзан со терминот „бубашваба“ за инсектот лебарка.
Милошоски изминатите неколку дена е особено актуелен на „Твитер“, каде пишува твитови поврзани со кризата во Грција, со што ги изиритира македонските твитерџии кои му пишуваа интересни одговори.
Пред два дена тој напиша:
Просечно германско семејство: татко, мајка, две деца, куче и еден грчки пензионер!
— Antonio Miloshoski (@AMiloshoski) July 8, 2015
Овој негов твит има 48 ретвитувања, а на 51 следбеник им се допаднал.
На ова твитерџијата Илко Илија му одговори:
@AMiloshoski Просечно македонско семејство: Баба, дедо, татко, мајка, две деца, еден споменик на плоштад и еден вмровец во администрација
— Илко Илија (@IlkoIlija) July 8, 2015
Овој твит, во споредба со оној на Милошоски, експресно стана многу популарен и доби 274 ретвитувања, а им се допадна на 394 следбеници.
