fbpx

Не е вистина дека во Србија никој не ги контролира вакцините

-

Во рамките на својата програма за борба против дезинформациите и лажните вести, што на Балканот многу бргу ги минуваат границите и бргу осамнуваат во медиумите на друга држава и понекогаш и на друг јазик, „Мета.мк“ редовно пренесува што е актуелно кај сродните сервиси за проверка на фактите и борбата против дезинформациите во регионот, односно од Хрватска на север, до Грција на југ.

Српскиот сервис за проверка на фактите и борба против дезинформациите произлезени од различни извори „Истиномер“, елегантно оповргнува тврдење на претседателот на политичкото движење „Доста је било“, Саша Радуловиќ, дека во Србија никој не ги контролира вакцините.

Радуловиќ на Твитер, меѓу другото, напишал дека „Во Србија вакцините не се контролираат, квалитетот на вакцините не се контролира“.

Тој во твитовите вели дека до тие информации дошол во разговор со родители чии деца заболеле набргу по вакцинирањето. На неговото прашање дали некој ги контролира вакцините, родителите на тие деца го добиле следниот одговор: ,Па повеќе никој не контролира, откако со „Торлак“ направија тоа што направија, повеќе нема никаква контрола’“.

„Истиномер“ во својата статија потсетува дека Институтот „Торлак“ не е надлежен за контрола на вакцините, туку се занимава со производство, но тоа не значи дека никој во Србија не ги контролира вакцините.

„Имено, квалитетот на лековите и медицинските средства, а со тоа и на вакцините, го контролира Агенцијата за лекови и медицински средства (АЛИМС). Граѓаните на сајтот на АЛИМС може да пристапат до делот „отворени податоци“ каде се наоѓа и Регистарот на издадени сертификати од контролата на квалитетот на лековите во употреба во хумана медицина. Исто така е достапен и Регистар на лекови за употреба во хуманата медицина. На листата се наоѓаат и обврзувачките вакцини за коишто зборува Радуловиќ“, пишува „Истиномер“.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Синдикатите на пет универзитети најавија протест заради непотпишување на колективниот договор

Вработените на пет универзитети најавија протест за утре како израз на незадоволство што со нив не е потпишан колективен договор. Синдикатите на Универзитетот во Тетово, „Гоце Делчев“ од Штип,...