НАТО ја разгледува можноста да се приклучи на коалицијата на чело со САД која се бори против Исламска држава во Сирија и во Ирак, изјави американскиот министер за одбрана, Ештон Картер.
– Благодарение на водството на шефот на НАТО, Јенс Столтенберг, ние ја разгледуваме можноста НАТО да се приклучи на коалицијата како нејзин член – рече Картер по состанокот во Брисел.
Коалицијата веќе ги опфаќа сите 28 членки на НАТО поединечно, но не и самата Алијанса како целина.