Генералниот секретар на НАТО, Јенс Столтенберг, денеска во Букурешт рече дека Алијансата не сака нова Студена војна со Русија.
– Загрижени сме поради недостигот од (руска) транспарентност кога станува збор за воени вежби. Сепак, Русија е наш сосед и не сакаме да ја изолираме, ниту, пак, сакаме нова Студена војна со таа земја – рече Столтенберг на крајот на четиридневното заседание на Парламентарното собрание на НАТО во Букурешт.
Столтенберг рече дека членките на НАТО ги зајакнале своите воздушни патроли над Црното Море како одговор на „руското агресивно однесување во Украина“.