На Попова Шапка почнаа 18. по ред Балкански планинарски средби, манифестација која утре ќе продолжи во Лешок и во Тетово. На средбите присуствуваа околу 150 планинари од сите земји од Балканот. Домаќин на манифестацијата е Планинарскиот клуб „Љуботен“, кој средбите ги организираше и во 2005 година.
– За денеска планираме да организираме три различни планинарски тури, од Попова Шапка до Јелак, од Попова Шапка до Плат или Првата лешничка карпа и третата тура е искачување до Титов Врв, но од северна страна. В недела ќе го посетиме манастирскиот комплекс во Лешок, а претходно во Тетово во Музичкото училиште „Тодор Скалоски-Тетоец“ ќе организираме изложба на стари разгледници од Шар Планина од 1934 година до 2014 година. Целта на средбите е планинарите да се дружат и да разменуваат искуства – изјави Јован Божиновски, претседател на ПК „Љуботен“
Планинарскиот клуб „Љуботен“ годинава бележи 90 години од своето формирање.