Плоштадот Македонија го добива финалниот изглед, па во таа насока попладнево на партерот се поставуваат канделабри.
Минатиот месец, официјално беше пуштена во употреба новата, површинска фонтана на просторот меѓу фонтаната „Воин на коњ“ и влезот на Камениот мост.
Проектот за изградба на површинската фонтана и за реконструкција на партерот на плоштадот Македонија е на Јавното претпријатие за просторни и урбанистички планови – Прилеп, а на терен работеа екипите на градежната компанија „Трансмет“ од Скопје. Овој проект, според најавите, чини околу 150 милиони денари, од кои Град Скопје обезбеди една третина, а Владата на Република Македонија – две третини.
