На железничката станица Келети во Будимпешта, екстремните десничари фрлија петарди во импровизираниот бегалски камп на платото пред станицата, при што се слушнале две погласни експлозии, јавува „Би-Би-Си“.
Многу бегалци поради тоа се исплашиле, па некои од мажите ги истерале унгарските десничари кои биле скинхедси. По судирот, била повикана и полицијата.
Според известувачот на „Би-Би-Си“, скинхедсите дошле пред железничката станица Келети за да ги провоцираат бегалците.
Судирите набргу се смириле, а бегалците седнале на подот на платото во знак на протест, бидејќи не им дозволуваат да влезат во возовите за Австрија и за Германија.
