fbpx

МНР: Петмина македонски државјани заглавени во Газа, во моментов се на безбедно

Покрај брачниот пар, за кој од порано имавме информации дека се наоѓаат во Газа, во меѓувреме нашата амбасада во Каиро е контактирана од семејство – татко и две деца, сите македонски државјани, информира МНР

-

Петмина државјани на Република Северна Македонија кои се наоѓаат во Газа, изразиле интерес да се вратат во земјава, информираше денеска Министерството за надворешни работи (МНР).

„Покрај брачниот пар, за кој од порано имавме информации дека се наоѓаат во Газа, во меѓувреме нашата амбасада во Каиро е контактирана од семејство – татко и две деца, сите македонски државјани. За децата се обезбедени документи за нивно враќање во Северна Македонија, а од надлежните институции во Каиро и Тел Авив добиена е информација дека сите пет државјани се ставени на листата за евакуација, за што се чека одлука за отворање на граничниот премин Рафах“, наведено е во соопштението од МНР.

Од таму додаваат дека двете амбасади на Северна Македонија – во Каиро и Тел Авив, се во постојана комуникација со сите наши државјани, кои во моментот биле на безбедно.

„Отворањето на граничниот премин е условено со состојбите на терен и во моментот граничниот премин е затворен. Во меѓувреме работиме на идентификување и прибирање податоци за евентуално други наши државјани кои би можеле да бидат затекнати во Газа, за што уште еднаш потсетуваме на нашите контакти: СОС телефони на МНР – 075/273-732 и 075/268-736, дежурниот телефон на Амбасадата во Тел Авив +972-54-926-7378 и дежурниот телефон на Амбасадата во Кајро +201033615542“, наведено е во соопштението.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Минчев, поради злоупотреби, најави укинување на балансерот

Министерот за јавна администрација Горан Минчев најави укинување на балансерот. Како причина за ова, тој рече дека балансерот во минатото бил предмет на злоупотреби. „Имавме случаи каде етнички Македонци се...