fbpx

Мицкоски не признава пораз, победиле во најмногу општини, сака да преговара за формирање влада

-

Лидерот на ВМРО-ДПМНЕ Христијан Мицкоски во првото појавување по објавувањето на резултатите од вчерашните избори не ја честиташе победата на противникот и не го призна изборниот пораз. Наместо ова, тој тврди дека народот се определил за промени и дека расположението на граѓаните во земјава е опозициско, при што опозицијата освоила повеќе гласови од власта. Мицкоски тврди дека ВМРО-ДПМНЕ без Беса во редовите на СДСМ, освоила повеќе пратенички мандати.

Тој тврди дека ВМРО-ДПМНЕ и Коалицијата „Обнова за Македонија“ победиле во 41 општина низ земјава. Истовремено, Мицкоски обвини дека резултатот бил постигнат во тешки околности, силни притисоци и бројни нерегуларности. Власта спровела масовен поткуп, вели Мицкоски и дополнува „добиваме различни информации дека сомнително се броени и изнесувани податоците“.

– ВМРО-ДПМНЕ го има најголемиот кредибилитет да се бори за состав на новата Влада. Кога треба да се соочиш со сериозни предизвици, јас сум оптимист затоа што настапуваме чесно и принципиелно – изјави тој.

Тој наведе дека планира да разговара за формирање собраниско мнозинство за идната влада, но ја отфрли коалицијата со СДСМ и Зоран Заев. Воедно, тој спомена дека e подготвен да преговара со ДУИ, но нема да ја прифати идејата за Албанец премиер.

Христијан Мицкоски наведе дека ќе поднесат приговори до ДИК за изборите, но не кажа колку и на што ќе се однесуваат тие.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ДИК: Jавен увид и промени во избирачкиот список може да се прават до вечерва на полноќ

Апелираме до граѓаните дека јавниот увид во Избирачкиот список како и промена, запишување и бришење на податоци ќе може да се направи уште денес, 18 март, до 24 часот, соопшти...